Sa dinamiraming napagdaanan sa pagmamahal sa iyo
Puso’y maraming natutunan,
Mga alaalang di makakalimutan,
Mga bagay na nakasanayan,
Mga panahong nais balikan.
Nais sana’y ang mga ito’y nakapagpapasaya
Ngunit balik saki’y luha
Puso’y sanay na
Sa mga iyong ginagawa
Sabi mo pa’y wala na akong magagawa
Sa mga bagay na tapos na
Di na maibabalik at maitama
Pagkakamaling iyong ikinaligaya
Lahat ng iyon ay babalewalain
Kayang tiisin
Sakit na dinidimdim
Mangangapa nalang sa dilim
Dahil pikit-mata kita’y yakapin
Sabi mo pa’y siya ay nakalipas
Nalilibing ng oras
Siya’y hindi mahal na wagas
Pero sa kanya’y nakapagbigay pa ng rosas
Ako’y nagbubulag bulagan
Kunwari’y di nararamdaman
Ang sakit na pilit kinakalimutan
Ang sakit na aking nakasanayan.